--. / .--. / .--. / .—

 

Ebrû-yı kemân-dâr-ı şebih itdi cesâret

Ma‘mûre-i mülk-i dile yüz tutdı hasâret

İtmezse nevâzîşde gamzeyle kefâret

Bir nîm-nigâh ile o şeh itdi işâret

Mülk-i dilümi leşker-i hüsn eyledi gâret

II

Olmış gibi ol server-i hûbân haber-dâr

Âmed-şod-ı ‘aşk ile bagladı bu dil-i zâr

İhsân-ı firâvân idüp ol yâr-ı cefâ-kâr

Kasr-ı dil-i vîrân şode- bîne döne tekrâr

Eyler hacer-i cevr ile tasyîm –i ‘imâret

III

Bir kerre düşerse ser-i kûyına güzâruñ

Reşk-âver-i ‘anber olur ey bâd gubâruñ

Tutduñ o zamân kâfilede müşk ile bâruñ

Peyveste olursañ şiken-i zülfine yârüñ

Sen itme sabâ bir dahi hîç Çîni ziyâret

IV

Biñ kerre niyâz itdüñ o şûh itmedi ısgâ

‘Uşşâkına sengîn-dil iken ol meh-i garrâ

Eyler dem-i cân-bahşın ile agyârı ihyâ

Pey-der-pey olur lutfı ‘adûya bize ammâ

Geh ‘işve gehi şîve gehi cevr ü hakâret

V

Nûş itme Sa‘îd dagdaga-efrûz-ı cemâli

Çek câm-ı hakîkat ile musaffâ mı hâli

14b.

Gûş eyle ne dir zümre-i erbâb-ı kemâli

Mestâne-i mey-hâne-‘işretüz bize ‘âli

Feyz-i mey-i mey-hâne degüldür bu şetâret

 

Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636