Meh-rûlar ile çâder gûyâ felek olmışdur

49

- - . / . - - - / - - . / . - - -

 

Meh-rûlar ile çâder gûyâ felek olmışdur

Her hayme güzellerle dârü’l-melek olmışdur

Ordu-yı hümâyûnun bir zîneti vardur kim

Gün câme-i dildâra altun benek olmışdur

Güzeller alayınun begler begisi sensin

Tîmârına ‘ışkunun hep müşterek olmışdur

Sîmîn bedenlerle sînem kızıl altundur

Sarrâfi durur çeşmüm gönlüm mihek olmışdur

Cânâ lebün emmekde ağzına alur cânın

El-hak bu Revânîye hayli emek olmışdur

 

Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8