Mefâ’îlün Mefâ’îlün Mefâ’îlün Mefâ’îlün
1 Mehâdîm-i cihân mahdûmısın ‘âlem saña lâlâ
N’ola ben de kul olsam âstanuñda dime lâ lâ
2 Senâ-hˇân u du’âcılar kapuñda gerçi kim çokdur
Hulûs-ı kalb ile bu bende müstesnâdurur illâ
3 Du’â dürrini ‘arz ider kuluñ esdâf-ı kalbüñden
Ümîd oldur ki makbûl ola işbu lü’lü’-i lâlâ
4 Göñül hoş-hâl idi mâzîde hüsn-i iltifâtuñla
Velî gam itdi istikbâl elemde gamdadur hâlâ
5 Çü beyne’l-işbâ’eyn imiş kulûb-ı mü’minîn Vecdî
Du’â eyle o şeh kalbin saña mâ’il ide Mevlâ
Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009