Fâ`ilâtün fâ`ilâtün fâ`ilâtün fâ`ilün

 

 1 Menzil al dil `aşk ile pür-tâb u göz pür-âb iken

 Teşne-leb yolda kalur sâlik olan bî-tâb iken

 

 2 Nice bir kûy-ı dalâletde gezersin der-be-der

 Dergehi pîr-i mugânun mecma`-ı ahbâb iken

 

 3 Kûyuna nice çekilmez âşık-ı bî-çâreler

 Zülf-i anber-bârunun her târı bir kullâb iken

 

 4 Hîç revâ mıdur gam-ı dünyâya düşmek ey gönül

 Bir kenârına irilmez bahr pür-gird-âb iken

 

 5 Sûret-i ikbâl-i dünyâ aldadur gâfilleri

 Işret anlarlar anı Yahyâ hayâl-i hâb iken

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147