02.08.2017
Mesnevi- 4
Fe’ilâtün Mefâ’ilün Fe’ilün
1 Hˇâce-i pâdşâh-ı zıllu’llâh
Ber-heme halk şod ‘Atâu’llâh
2 Hamdu li’llâh çi hoş mukâriñ şod
Bâ-’atâ-yı İlâh zıll-ı İlâh
3 Hâk-i pây-ı şerîfe sultânum
Derd ile aglayayın ahvâlüm
*
4 Derdmendüm devâ ricâ iderin
‘İlletüm var şifâ ricâ iderin
5 Baña senden irişmese çâre
Kalurum tâ ölince bî-çâre
6 Bir yetîmüm pederden ayrıldum
Şefkat it gör nelerden ayrıldum
7 Sâhil-i bahr-i gamda âvâre
Sadef oldı baña hazef-pâre
8 Şiddet-i rûzgâr-ı nâ-hemvâr
Keşti-yi sabruma komadı karâr
9 Mülk-i ‘ukbâya rıhlet itdi peder
Aglayu kaldı derd ile mâder
10 Dagılup gitdi hep sıgâr u kibâr
Leyse fi’d-dâri gayrünâ deyyâr
11 Ben de kaldum bu künc-i mihnetde
Dâr-ı gurbet dîyâr-ı kürbetde
12 Elde mâlum u dilde kâlüm yok
Gam ile hüzn ile melâlüm çok
13 Giryeden gözlerümde kalmadı nem
Beni aglatma yokdurur kimsem
14 Sıgayup dest-i lutf ile başumı
Âstîn-i keremle sil yaşumı
15 Bend-i gamda koma halâs eyle
Lutf-ı ‘âm eyle ‘abd-ı hâs eyle
16 Câh uma çâha düşdüm it mededi
Koma bu çâh içinde huz bi-yedi
17 Zâhir egerçi yok gözümde ‘amâ
Olur ammâ garîb ke’l-a’mâ
18 Ben fakîr eyledükde ‘azm-i tarîk
Lutf u ihsânuñ olmış idi refîk
FİLİBELİ VECDÎ VE DİVÂN’I 75
19 Yolum azdum baña hidâyet kıl
Lutfuñı yoldaş it ‘inâyet kıl
20 Gerçi çokdur bu kulda cürm ü günâh
Umarum irişe ‘atâu’llâh
21 Kuluñ oglı kuluñdurur Vecdî
Kul idi kapuña eb-i Vecdî
22 Eylemiş hürmet ‘ammûmuz merhûm
Rahmet-i Hak’dan olmaya mahrûm
23 Dünyeden anlar irtihâl itdi
İrs ile bize intikâl itdi
24 İstedüm derdüme tabîb-i şefîk
Seni sevk itdi sâyik-i tevfîk
25 Çâre kıl baña hoş mizâc eyle
Şerbet-i cûd ile ‘ilâc eyle
26 Hıdmetüñden egerçi kim dûrum
Kereme nisbet olsa ma’zûrum
27 Devlet ü ‘izzetüñe şükrâne
Nazar eyle şehâ garîbâne
28 Keremüñ halk-ı ‘âleme maksûm
Ne içün ben kulıñ olam mahrûm
29 Hâkdan katresin sakınmaz mîg
Eylemez şems şu’lesini dirîg
30 Sen sehâb-ı kerem kuluñdur hâk
Katre-i mâ dirîg ola hâşâk
31 ‘Âlemi nûr ile güneş toylar
Eksik olmaz ziyâsı zerre kadar
32 Harc olınsa hazâ’in-i ihsân
Bir direm naksa olmaya imkân
33 Geldi kapuña yüz süre Vecdî
Bir nazar eyle derdi var derdi
76 H. KAVRUK-B. SELÇUK
34 Gerçi niçe hatâ ile geldi
Lîk yüz biñ du’â ile geldi
35 Sahn u sıhhatde hurrem ü handân
İde Hak hânedanuñ âbâdân
36 Emrüñe râm ola ins ü melek
Döne kutb-ı murâduñ üzre felek
37 ‘Ömr ü devlet hemîşe dâ’im bâd
Bi’n-nebiyyi ve âlihi’l-emcâd
Filibeli Dervişzade Abdurrahman Vecdi Kimdir
Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009
0
2
Yorum Yapmak için Kayıt Olun veya Giriş Yapın