Mef`ûlü fâ`ilatün mef`ûlü fâ`ilâtün
1 Mest-i harâb oldum pîr-i mugân suyundan
Bir iki zevrak ile geçdüm cihân suyundan
2 Sâkî-i bezm elinde var iken âb-ı engûr
Bilmem ne hazz idersin sûfî yabân suyundan
3 Bu bâgun aldı herkes hazzını bâgbânâ
Zühhâd mîvesinden ben nâ-tüvân suyundan
4 Ruhsâr-ı zerdüm üzre akıtma eşk-i çeşmüm
Şâhum hazer gerekdür fasl-ı hazân suyundan
5 Buldı lebin emenler hep `ömr-i câvidânî
Virdi nişâne la`li Yahyâ cinân suyundan
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147