Mest-i nâzım sıklet-i bûs u kenâr etmem saña

Gazel

[10]

 [fâ’ilâtün / fâ’ilâtün / fâ’ilâtün / fâ’ilün]

 1 Mest-i nâzım sıklet-i bûs u kenâr etmem saña

 Bezm-i ‘ayşı mâye-i renc-i humâr etmem saña

 2 Seng-i âzârıñla mînâ-yı dilim etdiñ şikest

 Bilmiş ol ancak a zâlim inkisâr etmem saña

 3 Teşne-leb kalsam da bu gülşende ey ebrû-siyeh

 Lâle-veş ‘arz-ı derûn-ı dâg-dâr etmem saña

 4 Ey felek bîhûde gösterme hamîde kaddiñi

 Minnetim yok kıl kadar teklîf-i bâr etmem saña

 5 Feyz-i Hak gibi degildir hâside dersem nola

 Vehbîyim Vehbî nice ben iftihâr etmem saña

Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012

  Sünbülzade Vehbi Hayatı