Mey-hânede bu gözlerüme keşf olur harem

Mey-hânede bu gözlerüme keşf olur harem (465/1)

Zî gâyet-i inâyet ü zî ayet-i Kerem

Mey nûş eyle subh-dem ü ney ünin işit (465/2)

Kim hoş-durur ele giricek bu bir iki dem

Göñlüñi şâœ eyle mey ü ney hevâsı-la (465/3)

Kim hoş hevâ-durur iremez ol hevâya gam

Yâruñ lebi-y-ile câm lebidür şifâ-yı cân (465/4)

Efsâne-durur Âb-ı Hayât-ıla câm-ı Cem

Düşdi kaşuñ öñinde hisâba hilâl-ı kej (465/5)

Oldı lebüñ katında bahâ-yı akîk kem

Dirler ki akluñ olmasun ol zülfe mübtelâ (465/6)

Dîvâne olana nice cârî olur kalem

Reyhân saçuñuñ olmasa hayrânı Ahmedî (465/7)

Ola mıdı benefşe bigi kaddi böyle ham

 

Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,