Mihr ü meh kim devr iderler âlemi rûz u şeb
09.04.2016
1. Mihr ü meh kim devr iderler âlemi rûz u şeb
Devr-i nâ-hemvâr-ı eflâke gülerler rûz u şeb
2. Mihr ü mehle bu pelengî-hû sipihr-i kîne-cû
Bir gazanferdür gıda eyler iki ser rûz u şeb
3. Mihre düşmendür meger meh kim hilâl ü bedrden
Gâh gürz eyler havâle gâh hançer rûz u şeb
4. Mihr ü meh sanma felek bîm-i hadeng-i âhdan
Eksük itmez kellesinden iki miğfer rûz u şeb
5. Cirm-i mihr ü meh degül çarh üzre bir âyîneden
Arz iderler dehre hüsnin iki dilber rûz u şeb
41.Levha-i zer-kâr-ı mihr ü mâh-ı feyz-âsârdan
Âyet-i natün Fehîm itmekde ezber rûz u şeb
(Fehîm-i Kadîm Divanı, 1991: K.1 )
Yorum Yapmak için Kayıt Olun veya Giriş Yapın