MURABBA 2 Tarîk-i ehl-i sa‘âdetden olmayup âgâh

MURABBA

 

2

Mefâ‘ilün/ Fe‘ilâtün/ Mefâ‘ilün/ Fe‘ilün

 

Tarîk-i ehl-i sa‘âdetden olmayup âgâh

Reh-i dalâlete gitmişdi bu dil-i güm-râh

İrişür oldı hele cân kulagına her gâh

Nidâ-yı eşhedü en lâ-ilâhe illa’llâh

 

Kime ki irişdi Hak’dan hidâyet ü rahmet

İder o bende-i hâsı habîbine ümmet

Gelür kulaguma her dem Hudâ’ya biñ minnet

Sadâ-yı eşhedü en lâ-ilâhe illa’llâh

 

Tolarsa yir ile gök tañ mı na‘ra-i yâ hû

Akarsa eşk-i firâvânı dîdemüñ her sû

Gelür meşâm-ı dil ü câna her zaman hoş-bû

Hevâ-yı eşhedü en lâ-ilâhe illa’llâh

 

Safâ-yı bâg u cinânı bulurdı ehl-i zemîn

Makâmı her kişinüñ olur idi huld-i berîn

Mesîri olsa ‘ibâduñ eger ki cümle hemîn

Fezâ-yı eşhedü en lâ-ilâhe illa’llâh

48

Şu dem ki mevte yakîn ola Ravzî cism-i zelîl

Tekellüm idemez ise ne gam lisân-ı ‘alîl

Müyesser eyler ise kalbümüzde Hayy-ı cemîl

Bekâ-yı eşhedü en lâ-ilâhe illa’llâh

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009