MURABBA 6 Câme-i gül-reng ile dirler saña gülgûn kabâ

MURABBA

 

6

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Câme-i gül-reng ile dirler saña gülgûn kabâ

Hâk-i pâyüñ çeşm-i câna tûtiyâ gülgûn kabâ

‘Îd irişdi kıl bizümle merhabâ gülgûn kabâ

Mülk-i hüsnüñ pâdişâhı bî-vefâ gülgûn kabâ

 

Zahm-ı şemşîr-i gamuñ görinmez oldı kandan

Kaldı èâciz haste-dil me’yûs olup dermândan

Mısr-ı hüsn içre güzelsin Yûsuf-ı Ken‘ândan

Mülk-i hüsnüñ pâdişâhı bî-vefâ gülgûn kabâ

 

Zülf-i rûyuñ hasretinde rûz u şeb her dem bana

Çarh-ı bed-kirdârâsâ cevr idersin dâ'imâ

Mâhveş hercâyî dirlerse lâyıkdur saña

Mülk-i hüsnüñ pâdişâhı bî-vefâ gülgûn kabâ

 

Kâ'inâtı devr idüp dolâbâsâ serserî

Sû-be-sû gezdüm temâşâ eyledüm her dil-beri

Görmedüm hîç saña beñzer bir melek-manzar perî

Mülk-i hüsnüñ pâdişâhı bî-vefâ gülgûn kabâ

 

Ravziyâ âh itdügüm budur benüm bülbül gibi

Görmese nâlân beni gülmez açılmaz gül gibi

Bezm-i hicrânında itdi eşk-i çeşmüm mül gibi

Mülk-i hüsnüñ pâdişâhı bî-vefâ gülgûn kabâ

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009