MURABBA 7 Ne mekânum var cihânda ne turagum Mustafâ

MURABBA 7

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Ne mekânum var cihânda ne turagum Mustafâ

Kûy-ı hasretdür benüm dâ'im konagum Mustafâ

‘Işkuña şâhid yeter sînemde dâgum Mustafâ

Nev-resîdem nev-cevânum yavrucagum Mustafâ

 

Derd-i ‘ışkuñ itdi ben bîmâr-ı zârı nâ-tevân

Bir hümâsın şâhsâr-ı dilde kılduñ âşiyân

Murg-ı cânum kûyuña uçmak diler dâ'im hemân

Nev-resîdem nev-cevânum yavrucagum Mustafâ

 

Âteş-i ruhsâr-ı rengînüñ ki oldı şeb-çerâg

Geldi ‘uşşâka fürûg-ı mihr-i ‘âlemden ferâg

Hem-cenâh olmak saña lâyık mı her zâg u kelâg

Nev-resîdem nev-cevânum yavrucagum Mustafâ

 

Dil hümâsın şâh-bâz-ı zülfüñ idel’den şikâr

Pençe-i cevrüñde bir bî-çâreyem bîmâr u zâr

Merhametle hâlüme bir kez nazar kılsañ ne var

Nev-resîdem nev-cevânum yavrucagum Mustafâ

 

Yavrı şâhinsin sakın zâg ile pervâz eyleme

Âşiyân-ı nâzdan pervâza âgâz eyleme

Ravzi-i dil-hasteñe derd ile dem-sâz eyleme

Nev-resîdem nev-cevânum yavrucagum Mustafâ

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009