MURABBA
Fe‘ilâtün Fe‘ilâtün Fe‘ilâtün Fe‘ilün(1)II
‘Ayn-ı ‘ömrüm benüm ol nergis-i bîmâra fedâ
Mîmi hem dâyire-i nakş-ı fem-i yâra fedâ
Râsı olsun o kemân-ebrû-yı dil-dâra fedâ
Dâl u lâm-ı dil iki turre-i tarrâra fedâ
IIII
Mîm-i mihrüñ dehenine n'ola korsa barmak
Hâsı gibi delinüp göz göz olupdur dili çak
Sançdı râsı dahi bagruma bir egri bıçak
Dâl u lâm-ı dil iki turre-i tarrâra fedâ
IIIIII
Hâ-yı hecrüñ yine iki göz ile bakdı baña
Cîmi belüme kemer bagladı nokta pul aña
Râsı hem ey kaşı yâ oldı baña kadd-i dü-tâ
Dâl u lâm-ı dil iki turre-i tarrâra fedâ
IV
Nûn-ı nâzuñ beni yâ kaşuña hem-tâ kıldı
Elifi dûd-ı dili ‘ar‘ar-ı bâlâ kıldı
Noktalar dâg kodı râsı kadüm râ kıldı
Dâl u lâm-ı dil iki turre-i tarrâra fedâ
VV
Elif-i Emrî senüñ kâmet-i dil-cûñâ fedâ
Mîmi nakş-ı femüñe yâ vü rî ebrûña fedâ
İki nokta kalur ol da iki hindûña fedâ
Dâl u lâm-ı dil iki turre-i tarrâra fedâ
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427