MURABBA Yine bir tâlib-i ‘ilmi bu göñül kıldı taleb

MURABBA

 1

Fe‘ilâtün Fe‘ilâtün Fe‘ilâtün Fe‘ilün

I

Yine bir tâlib-i ‘ilmi bu göñül kıldı taleb

Kütüb-i vaslını matlûb idinüp çekdi ta‘ab

Şem‘-i Misbâh okur sûhtesi olsa ‘aceb

Ş’ol ruhı zav ki dinür ism-i şerîfine Receb

 II

Gayrılar hv âce olub virdügiçün aña sebak

Gel eczâ-yı vucûdı göñül eydür oda yak

Karalar giydi bu ahvâli görüp cümle varak

Ş’ol ruhı zav ki dinür ism-i şerîfi Receb

 III

Ol durur ‘âşık-ı dil-sûhteler maksûdı

Nazm-ı dendânı dürüpdür dürer-i menkûdı

Tâli‘i sa‘d olur ol meh ile mes‘ûdı

Ş’ol ruhı zav ki dinür ism-i şerîfi Receb

 

IV

Okımış la‘l-i şifâdan niçe fasl u niçe bâb

Fehm kıl hikmeti kim budur işârât-ı kitâb

Câna virür şifâsı şâfiyesi şafî cevâb

Ş’ol ruhı zav ki dinür ism-i şerîfi Receb

 V

Ruhınuñ sûhteleridür yine bu pervâne vü gün

Biri Mısbâhı okur birisi Şemsiyye bu gün

Cehd idüb Sun‘i okur mihr kitâbın dün ü gün

Ş’ol ruhı zav ki dinür ism-i şerîfi Receb

 

 

Gelibolulu Sun’î (1486- 1534) Hayatı..

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep