Musavvir kim o şûhuŋ çeşmini bî-tâb göstermiş

 

 

305

 Mefâ‘îlün Mefâ‘îlün Mefâ‘îlün Mefâ‘îlün

 

1 Musavvir kim o şûhuŋ çeşmini bî-tâb göstermiş

 Cihânuŋ fitnesin bahtum gibi der-hvâb göstermiş

2 Talebkârân-ı âsâyiş olan bî-dillere reh-ber

 Ümîd ü bîmden bir menzil-i nâ-yâb göstermiş

3 ‘Azîmet-hvânı olmış zâhid ol şûh-ı perî-rûnuŋ

 Elinde câmdan âyîne-i pür-tâb göstermiş

4 Murâd-ı imtihân itmiş seni vakt-i teveccühde

 O kim hem saŋa büt hem gûşe-i mihrâb göstermiş

5 Selâmet-hvâh-ı sâhil vartasın iş‘âr içün SÂKIB

 Hudâ âgûş-ı yemde fülk-der-girdâb göstermiş