Mushaf-ı rûyunda ebrû medd-i bismillâhdır

 

62

 (Fâilâtün Fâilâtün Fâilâtün Fâilün)

 

 1 Mushaf-ı rûyunda ebrû medd-i bismillâhdır

 Safha-i hüsnünde hat tesvîd-i kilk-i âhdır

 2 Vâsıl etmez güft u gû gülzâr-ı kâma âdemi

 Pây-ı ikdâma zebân-ı halk hâr-ı râhdır

 3 Gül hazâna muntazır bülbül figâna münhasır

 Çeşm-i ibretde gülistân ayn-ı şîvengâhdır

 4 Tıynet-i pâkîze etmez çirk-i dünyâyı kabûl

 Eyleyen tathîr-i dâmen dest-i istikrâhdır

 5 Haşmetâ kec-rev-hırâm-ı cünbiş-i ikbâl ile

 Kendini üftâde-i çâh eden ehl-i câhdır

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ