MÜSTEZÂD DER-TEVHÎD
 
Mef`ûlü Mefâ`îlü Mefâ`îlü Fe`ûlün
 
 Mef`ûlü Fe`ûlün
 
1 Ey mihr-i ruhuñ zerresidür cümleten eşyâ
 Zâhirde nihânsın
 V`ey `aks-i cemâlüñ yine her zerrede peydâ
 Gâyetde `ayânsın
2 Hüsnüñden irür gülşene hep feyz-i tarâvet
 Ey mâye-i hestî
Bülbülleri itdüñ güle âşüfte vü şeydâ
 Âşûb-ı zamânsın
3 Mühr-i lebüñüñ nakşı olupdur li meni`l-mülk
Hakkâ ki odur hak
 Eşyâ kamu evhâm hakîkatde hüveydâ
 Cânân-ı cihânsın
4 Mecmû`a-i ahlâk-ı sıfât eyleyüp îcâd
 İsmin koduñ âdem
Gayr-ı dil-i dil-dâdeye sıgmam didüñ ammâ
 Nâ-kerde mekânsın
5 Nâmîye ki hayret-dih olur fikr-i sıfâtuñ
 Ey Sâni`-i mevcûd
Kimdür ki ide zâtuña endîşesin ifnâ
 Bî-resm-i nişansın
 
Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ