Mef‘ûlü Mefâ‘îlü Mefâ‘îlü Fe‘ûlün

 Mef‘ûlü Fe‘ûlün 1.

1. Gitseñ seher arduña senüñ şems uyardı

 Seyr itmege bâgı

2. Bir gice anuñçün meh-i nev üstine vardı

 Destinde bıçagı

3. ‘Âşık geçinür saña kulakdan gül-i ra‘nâ

 Görmez misin ey serv

4. Kaftanını yaşı boyadı beñzi sarardı

 Hem sînede dâgı

5. Ben küşte-i ‘ışkam baña kurşuñluca türbe

 Bu kubbe-i nîl-gûn

6. Hurşîd kamer ile gelüp ey meh uyardı

 Üstümde çerâgı

7. Tükrügini agzında dişi üstine aldı

 Sandum o şeker-leb

8. Bir hokkada ma‘cûnı şerâb ile kardı

 Dür-dâne ufagı

9. Humret ruh-ı beyzâda şafakdan degül Emrî

 Ol mâhuñ ucından

10. Hançerle hilâl urdı anuñ başını yardı

 Kan oldı yanagı

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427