Fâ`ilâtün fâ`ilâtün fâ`ilâtün fâ`ilün

 

 1 Mûydan ince meyân-ı dil-rubâdur var ise

 Yok dehânından nişân sırr-ı Hudâdur var ise

 2 Nice günlerdür ki hîç nâm u nişânı yok dilün

 Bir kemend-i cân-şikâra mübtelâdur var ise

 3 Hiç söz yokdur dehânından dimiş erbâb-ı dil

 Aşık-ı dil-haste-i hicre şifâdur var ise

 

 4 Cevher-i hâk-i derin ümmîdine düşmüş gönül

 Olmadı sa`y u taleble kîmyâdur var ise

 5 Dostum Yahyâ'ya da bir niyyetüm vardur didün

 Neydügin bildirmedün kasdun cefâdur var ise

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147