Nagah yağma eyledi ışk odı canımızı
Hiç kimse nitelükden virmez nişanumuzı
Nice nişan vireler kangı yoldan soralar
Çün elden bırakdurur din ü imanumuzı
Ne imana bakdurur ne hod dine tapdurur
Kendüyle bile dutar yıkdı dükkanumuzı
Virdi birlikden şarab kıldık dükkanı harab
Cümlesini terkitdük assı ziyanumuzı
Ne assı var ne ziyan gelsün canuna kıyan
Cümlesinden geçüben bulduk sultanumuzı
(...)
Gördüm imdi bu kandan ne biter bu ma'denden
Ayrılmazuz birlikden bulduk mekanumuzı
Said imdi yürivar çün bir oldı bu ikrar
Hiç makamdan virmesün kimse nişanumuzı
Hacı Bektaş ve Said Emre - İsmail Kaygusuzwww.ismailkaygusuz.com/419/550/420-420.htm