Nâyzenler nây ile cânâ agız bir itdiler

 

 

Fâ‘ilâtün Fâ‘ilâtün Fâ‘ilâtün Fâ‘ilün

 

1 Nâyzenler nây ile cânâ agız bir itdiler

Dil neyistanına od urmaga tedbîr itdiler

2 Arz-ı dîdâr eyleyüp mihrin ziyâde kıldılar

Gözgünüñ göñlinde meh-rûlar ‘aceb yir itdiler

3 Ey yüzi mushaf yine hatt-ı dehânuñ añdılar

Sûre-i Ve’ş-Şems mîmin sanki tefsîr itdiler

4 Husrevâ tez vir diyü nakd-i cânı göñlüme

Gösterüp huccet hatuñ la‘lüñle tezvîr itdiler

5 Dest-i tevbeyle mugân ayagı men‘ olınmadı

Sûfîlerle şeyh men‘e gerçi el bir itdiler

6 Tâña kaldı işidüp bâd-ı seher Sun‘î yine

Hasta diller subh olınca âh-ı şeb-gîr itdiler

 

Gelibolulu Sun’î (1486- 1534) Hayatı..

 

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep