Nâz idüp rûşengere âyîneden el çekmişüz
15.09.2017270
Fâ‘ilâtün Fâ‘ilâtün Fâ‘ilâtün Fâ‘ilün
1 Nâz idüp rûşengere âyîneden el çekmişüz
Minnet-i gencûr içün gencîneden el çekmişüz
2 Atlas-ı çarhı umarken dûş-ı ikbâlinde halk
Biz ‘aceb dîvâneyüz peşmîneden el çekmişüz
3 Çâre-sâzuŋ imtinânı bir çekilmez derd imiş
Çekmeyüp biz anı dâg-ı sîneden el çekmişüz
4 Bilmezüz sâ‘at mi geçdi aradan zâhid hele
Câm-ı meyden biz ki tâ âzîneden el çekmişüz
5 SÂKIBÂ hâruŋ görüp dâmen-güşâna vaz‘ını
Kanda dâmen câme-i sad-pîneden el çekmişüz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
0
0
Yorum Yapmak için Kayıt Olun veya Giriş Yapın