21
Fâ‘ilâtün fâ‘ilâtün fâ‘ilâtün fâ‘ilün
 
1 Nâzil olmuşdur Hudâdan saña fermân ey Habîb
Bu yeter mahlûk içinde rif‘at ü şân ey Habîb
2 Olalı der-gâh-ı bî-çûna mukarreb hem nedîm
Müftehirdür hizmetiñle Peyk-i Yezdân ey Habîb
3 Senden istişfâ‘ içün zâr u recâda rûz u şeb
Bende-i fermân-beriñdür cümle şâhân ey Habîb
4 Zümre-i ehl-i êalâliñ mûcib-i ilzâmına
Kıssa-i şakku'l-kamer yetmez mi bürhân ey Habîb
5 Ümmet içre şer‘iñe münkâd olup sâ’ir milel
95
Dehşet-i emr-i lebiñden cümle lerzân ey Habîb
6 Dili ebkem çeşm(i) a‘mâ gûşları olsun âsam
Kim getürmezse saña ‘âlemde îmân ey Habîb
7 Bu za‘îf ü müflis ü bî-çâre Sıdkî n'eylesün
Olmaz ise derdine bâbıñda dermân ey Habîb
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0