Nazîre Çün ân-ı hüsn geçse gerekdür diyince hâ

 

 

Nazîre

 

 [Mef’ûlü Fâ’ilâtü Mefâ’îlü Fâ’ilün]

− − · / − · − ·/ · − − ·/ − · −

 

1 Çün ân-ı hüsn geçse gerekdür diyince hâ

 Bend-i gamuñdan it beni bârî bugün rehâ

 Sultân-ı ‘aşk olur saña cân-ıla kul olan

 Kimdür ki kuluñ olmaya cândan senüñ şehâ

 Zülfüñ lebüñe vardugınuñ neyki hikmeti

 Tiryâk görse hod kaçar elbette ejdehâ

 Hoş gör bu ânı kadrini bil ân-ı hüsnüñüñ

 Kim hâ diyince ânı geçer gâfil olma hâ

5 Dâg-ıla yara hâ vü elif şekl-i âh çün

 Ben dahı hâ yazar turur oldum elifle hâ

 Nazmî cefâñı niçe çeker kanı rahm aña

 Yok mı [senüñ] cefâña hey âfet bir intihâ

 Bir zâtı cevherüñ ki hemîn meyli ehledür

 Ol bî-bahâ nedür aña ‘âlemde ne bahâ

 

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr