Nazîre-i Pâdişâh-ı âlem-penâh
Mefâ`îlün mefâ`îlün mefâ`îlün mefâ`îlün
1 Şikeste bir sifâl olsun nemiz var sâgar-ı Cemde
Garaz bir neş'e tahsîl eylemekdür bezm-i âlemde
2 Sabâ bir şemmesin neşr itmemişdür sünbülistâna
O bûy-ı cân-fezâdan kim konulmış çîn-i perçemde
3 Sipihr-i pür-cefâya uyma cânâ bî-cefâlıkda
Hakîkatdur hemân lâzım olan âlemde âdemde
4 Hıtâdan çîn-i târ-ı müşg-bârın sakınur gûyâ
Hemîşe ser-be-zânûdur gönül ol zülf-i pür-hamda
5 Derûn-ı hüsrev-i gülde yer itmek nice mümkindür
Eger Yahyâ safâ-yı hâtır olmayaydı şeb-nemde
6 Dem-i Isâ'mıdur enfâsı sultân-ı felek-kadrün
Hayât-ı nev nümâyân eyler oldı mürde-i gamda
7 Mezâk erbâbı sahbâ minnetin şimden giru çekmez
Bu keyfiyyet ki var nazm-ı şehinşâh-ı mu`azzamda
364
8 Cenâb-ı Hazret-i Sultân Osmân Hân ki devrinde
Felek feyz-i pey-â-peyde cihân `ayş-ı dem-â-demde
9 Müheyyâ eylesün esbâb-ı bezm-i devletin Mevlâ
Safâdan olmasun hâli bu nüzhetgâh-ı hurremde
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147