Nažm-ı Fevrį DernaǾt-ı Hażret-i Muĥammed

02.09.2016

Nažm-ı Fevrį DernaǾt-ı Hażret-i Muĥammed Ĥażret-i Muĥammedü’l-

ǾArabį Śallallāhu ǾAleyhi ve Sellem

MefāǾilün / FeǾilātün / MefāǾilün / FeǾilün

1. Memālik-i dü cihānuñ olup serįrine şāh

ǾAduvv-ı dįniñi dirseñ ķılam helāk u tebāh

Sirişk-i vāhda iĥżār idüp silāĥ u sipāh

Semend-i tevbeye atlın çek ey dil-i gümrāh

Livā-yı eşhedü en lā ilāhe illāllah

2. Diseñ ki Ĥaķdan ire dāǿimā saña tevfįķ

Diyār-ı dįni ķo rāh-ı śalāĥı eyle ŧarįķ

Śalāt u śavmı o yolda ķılup refįķ ü şefįķ

Ħudāyı añ ki seni nūr ider Ǿale’t-taĥķįķ

Żiyā-yı eşhedü en lā ilāhe illāllah

3. Dilüñden itme cüdā źikr-i nām-ı Mevlāyı

Ki gönlüñe viren oldur ħurūş-ı deryāyı

Bülend ü peste śalup şūr u şevķ ü ġavġayı

Ġırįv-i raǾd degüldür pür itdi dünyāyı

Śadā-yı eşhedü en lā ilāhe illāllah

4. Nesįm-i źikr-i İlāhi eserse dilden eger

Riyāż-ı dįnde yine niçe lāle-zār hüner

Anuñla tāzelenüp dil miŝāl-i ġonca-yı ter

Dimāġ-ı cān u dili gül gibi muǾaŧŧar ider

Hevā-yı eşhedü en lā ilāhe illāllah

5. Vücūduñ ola diseñ bāġ-ı luŧf-ı Yezdānį

Demādem ur nefes-i źikr-i nām-ı Subĥānı

İşitmedüñ mi göñül ķavl-i ehl-i Ǿirfānı

Ŧarį vü tāze ider esse ravża-yı cānı

Śabā-yı eşhedü en lā ilāhe illāllah

6. Disüñ ki defter-i tevĥįd-i Fevrį bula ħıtām

Bir ulunuñ güzel adıyla tā ki ola benām

Dilüñde olsun ebed bu kelām-ı ħūb-nižām

Muĥammed-i ǾArabįdür Resūl-i Rabb-i Enām

ǾAleyhi elfü śalavāt u elfu elfi selam

1. Śufūf-ı inse cünūd-ı perįye mecmaǾdur

Buĥūr-ı Ǿilme süyūl u kemāle menbaǾdur

Şümūs-ı ġayba büdūr-ı žuhūra maŧlaǾdur

Cihān u cān[a n’ola] kevn ü mekāndan evsaǾdur

Feżā-yı eşhedü en lā ilāhe illāllah

2. Maķām-ı źerde-yi çarĥ-ı berinden aǾlādur

Mežāhirine ĥażįż-i zamāna meclādur

Medārı merkez-i aǾlāsına mücellādur

ǾUķūl künhüni derk itmeden müberrādur

Źekā-yı eşhedü en lā ilāhe illāllah

[64b] 3. Śadā-yı nām-ı Ħudā tā ki semǾime girdi

Kelįm gibi göñül Ǿaķl u Ŧūrı şaşırdı

Miŝāl-i Ŧūr baña Ǿāķıbet-i fenā virdi

Ki gūş-ı cān u dile şeş cihātdan ayırdı

Nidā-yı eşhedü en lā ilāhe illāllah

4. Esįr iseñ elem-i cürm ü derd-i ŧuġyāna

Diseñ ki bulına bįçāre çāre dermāna

Şarāb-ı vaĥdet iç ey ħasta dil ĥekįmāne

İrincedür bire birdür marįż-i Ǿıśyāna

Devā-yı eşhedü en lā ilāhe illāllah

5. Mübārek adını Ĥaķķuñ müdām ķıl ezber

Kelāġvār cihān cįfesine ķılma nažar

Nigeh gerek senüñ ey dil hevā-yı tāc u kemer

Gedāya sāye śalarsa şeh-i dü Ǿālem eger

Hümā-yı eşhedü en lā ilāhe illāllah

6. Diseñ ki Ǿālem-i taĥķįķ Ĥaķķa ire ŧarįķ

Hidāyet ola saña Fevrįyā refįķ-i şefįķ

Dilüñde olsun ebed bu kelām-ı pür-tevfįķ

Muĥammed-i ǾArabįdür Resūl-i Ĥaķķ taĥķįķ

ǾAleyhi elfü śalavāt u elfu elfi selam

III

1. Bu ħār-ı zār cihāna neden dimek gülzār

Riyāż-ı vaĥdete gir k’andadur gül-i bįħār

Derüp naħįl-i Ǿamelden hezār gūne ŝemār

Bitür göñülde k’olasın cihānda berħūrdār

Nihāl-i eşhedü en lā ilāhe illāllah

2. Dilā kim oldı şu kim rāh-ı şevkete gitdi

Śanem sücūdın iden kāfürüñ işi bitdi

Ħudāyı birleyin ebrār-ı vaĥdete yetdi

Çü śarf-ı lā ile hep nefy-i māsivā itdi

Celāl-i eşhedü en lā ilāhe illāllah

3. Diseñ seni mela-yı ġayba sevķ ide Raĥmān

Teźekkür eyleye nāmuñ mücerredāt-ı cihān

İdüp muĥabbet-i Mevlāyı sende mūnis-i cān

Śaķın dilüñden ebed düşmesün meded-i barān

Maķāl-ı eşhedü en lā ilāhe illāllah

4. MaǾāş-ı dehr-i dil ü cāna zāhid-edādur

Riyāżet ile rıżā nūr-ı çeşm-i bįnādur

NaǾįm-i źikr-i Ħudā tāze ħūb ĥelvādur

Meźāķ-ı cāna şekerden Ǿaselden aĥlādur

Nevāl-i eşhedü en lā ilāhe illāllah

5. Ĥayāt eşmesi žulmetde çeşme-yi ĥayvān

Ne lāyıķ aña k’ola gülşen-i revānda revān

[65a] Dürüş ki kevŝer-i tevĥįde bulasın dermān

Ki her ne dilden aķar eyler anı bāġ-ı cinān

Zülāl-i eşhedü en lā ilāhe illāllah

6. Bulam dir iseñ eyā Fevrį mülk-i vaĥdete rāh

Olam dir iseñ eger Ǿālem-i ŧarįķate şāh

Dilüñde vird idine gör bu naġmeyi her gāh

Muĥammed-i ǾArabįdür Resūl-ı Ĥayy u İlāh

ǾAleyhi elfü śalavāt u elfu elfi selam

1. Şuǿūn-ı Ǿālem-i lāhūt u ĥażret-i nāsūt

Mekāmin-i ceberūt u mežāhir-i melekūt

Menāzil-i Ǿažamūt u medāric-i raĥamūt

Ķamu merātibi cāmiǾ durur ne nefy ü ŝübūt

Kitāb-ı eşhedü en lā ilāhe illāllah

2. SemāǾ nām-ı ĥaķ ile benim baña yetdi

O vecd ile niçenüñ Ǿaķlı kendüden gitdi

Kimesne şevķile bilmez ki n’eyledi n’etdi

Cihān u cān u zemįn ü zamānı mest itdi

Şarāb-ı eşhedü en lā ilāhe illāllah

3. Gehi enįn-i hevā ki ħurūş-ı deryādan

Gehi śadā-yı ney ü geh nevā-yı şeştādan

Gehi fiġān-ı ħam u gāh-ı cūş-ı śahbādan

İrişdi semǾime bi’l-cümle cümle eşyādan

Ħiŧāb-ı eşhedü en lā ilāhe illāllah

4. Günāh śanma göñül raĥmete münāfįdür

Ħudāyı źikr ide gör kim o saña kāfįdür

İşitmedüñ mi ne dir ol ki ķalbi śāfįdür

Marįż-ı cürm ü günāha devā vü şāfįdür

Cevāb-ı eşhedü en lā ilāhe illāllah

5. Dilā cihānda olan ins ü cāndan artıķdur

Ne ins ü cān ki zemįn ü zamāndan artıķdur

Zemįn zamān nedür iki cihāndan artıķdur

İki cihān n’ola kevn ü mekāndan artıķdur

Ŝevāb-ı eşhedü en lā ilāhe illāllah

6. Olam diriseñ eger sālik-i reh-i vaĥdet

Cenāb-ı Ĥaķķa murād ise Fevriyā ķurbet

Dilüñde olsun ebed bu kelām-ı pür-ĥikmet

Muĥammed-i ǾArabįdür şefįǾ-i her ümmet

ǾAleyhi elfü śalavāt u elfu elfi selam

1. Şu kim ĥalāvet-i tevĥįd-i ĥaķķı cānda bula

Derūn-ı cānda yenābįǾ-i maǾrifetle ŧola

2. Pesend idüp şu ki tevĥįd-i ķalbi micmer ider

Hevā-yı āteş-i sevķ-ı Ħudā-yı āźer ider

Derūnını reveĥāt-ı śafā muǾaŧŧar ider

Derūn-ı cān u dili şevķile mubaħħar ider

Buħūr-ı eşhedü en lā ilāhe illāllah

3. Eger mekāmin-i ġaybį eger mežāhirdür

Ŝübūt-ı vaĥdet-i Ĥaķķa delįl-i bāhirdür

Dilince źerre beźerre Ħudā-yı źākirdür

Muĥaśśalı dükeli cüzǿ ü külde žāhirdür

Žuhūr-ı eşhedü en lā ilāhe illāllah

4. Bu şiǾrimi benim ol kimse kim kitābet ider

Alup yā źikr-i Ħudā ķaśdına tilāvet ider

Umarın irte anuñ saǾyını rivāyet ider

Cenāb-ı Ĥaķ da dem-i śıdķına şehādet ider

Suŧūr-ı eşhedü en lā ilāhe illāllah

5. İlāhi sen kerem ehli müheymin ü ķayyūm

Ben ittibāǾ-ı hevāyile Ǿāśi vü meźmūm

Ķapuña geldim el açdum ĥazįn-dil ü mehmūm

Hidāyet eyle baña raĥmetüñle ķıl merĥūm

Benūr-ı eşhedü en lā ilāhe illāllah

6. Diseñ ki nāme-yi tevĥįd-i Ĥaķ ola Maĥmūd

Ķabūl ide anı tā Fevrį şāhid ü meşhūd

Maśūn itsün anı bu kelām-ı ħūb-vürūd

Muĥammed-i Arabįdür Ĥabįb-i Rabb-i vedūd

ǾAleyhi elfü śalavāt u elfu elfi selām

Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012

Şair Fevri( Ahmet 16 yy ) Hayatı ve Edebi Kişiliği

Esa

Yorum Yapmak için Kayıt Olun veya Giriş Yapın

Nažm-ı Fevrį DernaǾt-ı Hażret-i Muĥammed

Yorumlar