Ne dem ki sensüz ola olur ol gam u nedem

Ne dem ki sensüz ola olur ol gam u nedem (466/1)

Bes senden ayru baña ne îş ü ne cân ne dem

Sen revh-i rûh râhat-ı dilsin bu ömre bes (466/2)

Senden ırah düşene nice olmasun nedem

Her kanda yaşum aha ne Ceyhûn ne Furât (466/3)

Her kanda ki_âhum ire ne âteş-gede ne dem

Işkuñ yolında kanlu yaşı anca dökmişem (466/4)

Kim gözlerümde dahı ne yaş kaldı vü ne nem

Akluñ ne cânı var ki ura pençe ışk-ıla (466/5)

Arslan öñinde nice urıbile Dimne dem

İy göñül ala gözlerüñ aldanma âlına (466/6)

Kim saña işve-y-ile virür işbu fitne dem

Dirler ki Ahmedî aña göñlüñi virmegil (466/7)

Cân u göñül anuñdur aña virmedin n’idem

 

 

Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,