Ne kadar olsa da pür kâse-i jengâr-ı felek

 

 

Feilâtün feilâtün feilâtün feilün

 

1 Ne kadar olsa da pür kâse-i jengâr-ı felek

 Neş'e vermez bana peymâne-i ser-şâr-ı felek

2 Ra'd zannetme eder gûş-ı cihâna ilkâ

Âh-ı vâlâ-terimi künbed-i devvâr-ı felek

3 Görünen sanma şafak eyledi meşşâta-i aşk

Âteşîn âhımı gülgûne-i ruhsâr-ı felek

4 Hâl-i ruhsârına bak burc-ı hayâlimde benim

Göresin tâ ki nedir kevkeb-i seyyâr-ı felek

5 Tavr-ı enbâsına dehrin bakılınca hiçdir

Başımız üzre dönen çarh-ı girân-bâr-ı felek

6 Bed-sitâre çıkarırmış bizi bir ehl-i nücûm

Gûyiyâ kendisi bir necm-i hoş-âsâr-ı felek

7 Böyle pâkîze gazel söylemedin Meşhûrî

Dahi şi'rin olalı zîver-i destâr-ı felek

 

Yaşar AYDEMİR-Halil ÇELTİK, MEŞHURÎ DİVANI (Tenkitli Metin), T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3196 KÜLTÜR ESERLERİ, Ankara 2009