Ne kara günlere kaldık görüñ ahvâl-i devrânı

 

Mefâ’îlün Mefâ’îlün Mefâ’îlün Mefâ’îlün

 

1 Ne kara günlere kaldık görüñ ahvâl-i devrânı

Giceler seyr ider diyü tutarlar mâh-ı tâbânı

2 Salarlar bî-günâhı iftirâlar birle zindâna

Refâhiyyetde ‘izzetde sa’âdetde yüzer cânı

3 ‘Azîzi Mısr-ı hüsnüñ atılaldan zulm ile çâha

Añılmaz Yûsuf’a ihvânınuñ cevr-i firâvânı

4 Niçe bozulmasın nazm-ı cihân kim zümre-i hükkâm

Kodılar şer’ ü kânûnı ararlar kan ile kanı

5 Yeter kan agla ey Vecdî nisâr it dirhem-i eşki

Meseldür söylenür dilde yumazlar kan ile kanı

 

Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009