Nefes verdim derûn-ı bülbüle bâğ u bahârımdan

Şafak saldım şeb-i tarîke hurşîd-i nehârımdan

 

Budur bir sâgar-ı feyz-i ilâhî kim bunun reşhi

Olur rîzân her dem hâme-i nâdir-nigârımdan

 

Budur bir levha-i sîmîn hep nûrdur nakşı

Müzeyyendir çü zülf-i hûb lafz-ı dür-nisârımdan

 

Neyem kim ben kulun hüsrev kılıp iklîm-i ma’nâya

Hudâ pür kıldı hubb-ı cânı nazm-ı zer-ayârımdan

 

Benim hâkim serişte kıldı Hak feyz-i muhabbetle

Şifâ-cûy olan ey Hakkî türâb alsın mezârımdan