Nefha-i rûhu’l-kudüs la‘l-i şeker-bârundadur
Nükte-i ilm-i ledünnî şerh-i güftârundadur
Kıble vü îmândur ol peyveste ebrûn âleme
Fitne-i âhir- zamân şol ayn-ı mekkârundadur
Hilkatün şânında münzeldür hurûf-ı kâ’inât
Âyet-i seba’l-mesânî hatt-ı ruhsârundadur
Kevserün câm-ı meyi la‘lünde rûşendür senün
Mest-i ışkun revnakı şol hamr-ı hummârundadur
5. Damunun nârında izhâr oldı hicrün illeti
Cennetün zevk ü huzûrı vasl-ı gülzârundadur
Hûri vü rızvâna ta‘n eyler cemâlün hüsn ile
Sidretü’l-me’vâ sücûdı kadd ü reftârundadur
Âlem-i gaddârı çün dârü’l-fenâ bildi gönül
Davî-i Mansûr ene’l-Hakdan ser-i dârundadur
Ey hat u hâlün kelâmu’llah u la‘lün selsebîl
Levh-i mahfûzun hurûfı nakş-ı dîdârundadur
Ey Hakîkî Hak sana fazlından oldı müsteân
İlm-i tevhîdün beyânı keşf-i esrârundadur
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368