Mefâ‘îlün Mefâ‘îlün Mefâ‘îlün Mefâ‘îlün
1 Neler ehl-i dile ol şûh-ı bîgâne-nevâz eyler
Bana nâz ü tegâfül itmez agyâra niyâz eyler
2 Yanında i‘tibârı zülf ile ‘âşıklarun birdür
Ne denlü hâksâr itse o denlü ser-firâz eyler 2b
3 Hirâsân olmasun n’itsün gönül kim âhû-yı çeşmi
Hadeng-i gamze-i sayd-efgeninden ihtirâz eyler
4 Virür keyfiyetin best ü güşâd-ı mevc-i sahbânun 4a
Tebessümle leb-i la‘lün ki gâhî nîm-bâz eyler 4b
5 Yine yârun hayâli gelmede gark-ı hicâb Âgâh
Bu şeb bilmem kimün peymânesin leb-rîz-i nâz eyler 5b
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,