Fâ`ilâtün fâ`ilâtün fâ`ilâtün fâ`ilün
1 Ney gibi bir`âşık-ı dem-sâz buldum kendüme
Sırr-ı `aşkı söylerüm hem-râz buldum kendüme
2 Her kişi bir kebg-reftârı şikâr itmek diler
Ben de bir sayd idecek şeh-bâz buldum kendüme
3 Arzû eylerdi bir mahbûb-ı müstesnâyı dil
Bir münâsib dil-ber-i mümtâz buldum kendüme
4 Çok mı gördün bir iki peymâne mey-nûş eylesek
Ben de bu humun şarâbın az buldum kendüme
5 Eglenilmez künc-i gamda gördüm ey Yahyâ bu şeb
Nâlemi tahrîk ider bir sâz buldum kendüme
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147