Niçe vasl olam ki cânum cevr-i dil-berden kaçar

 

103-

Fâ`ilâtün Fâ`ilâtün Fâ`ilâtün Fâ`ilün

 

1 Niçe vasl olam ki cânum cevr-i dil-berden kaçar

 Bir yaña cânân ise feryâd u âhumdan kaçar

2 Şâd ol ey dil cevrini çekmekde hâs olduñ yine

 Zulmini gören `umûmen pâdişâhumdan kaçar

3 Didüm ey meh rûyuñı seyr itmesün gîsûlaruñ

 Didi gör dîvâneyi zülf-i siyâhumdan kaçar

4 Tagılursa jâleler yelden benüm de ey felek

 Encüm-i seyyâre âh-ı subh-gâhumdan kaçar

5 Ey Ziyâ’î korkarın bir gün “Kirâmen Kâtibin”

 Yazmada izhâr-ı `acz eyler günâhumdan kaçar

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ