Niçesin gel iy yüzi agum benüm
Sen eritdün odlara yagum benüm

And içerem senden artuh sevmeyem
Senün ile hoş geçer çagum benüm

Hüsn içinde sana mânend olmaya
Aslı yüce gönli alçagum benüm

Al elümi ireyim maksûduma
Koma yürekde yana dagum benüm

Sen rakîbe sırrunı fâş eyledün
Anun-ıla oldı şıltagum benüm

Kışladum kapunda itlerün ile
Oldı kûyun uşda yaylagum benüm

Men ölicek yolına gömün beni
Bakatursın yâra torpagum benüm

Torpagumdan bite hasretle agaç
Kıla zârî cümle yarpagum benüm

Bu Hasanoğlı senün benden-durur
Anı redd itme yüzi agum benüm
 
Kerimli, Teymur (hzl.) (2009). İmaddedin Nesimi, Qazı Bürhaneddin, İzzeddin Hesenoğlu. Bakı: Çaşıoğlu Neşriyatı. 349.