Nigârâ ravza-ı ‘ışkuñda çeşmüm cûy-bâr itdüm

Mefâ‘îlün Mefâ‘îlün Mefâ‘îlün Mefâ‘îlün(1)

 

1. Nigârâ ravza-ı ‘ışkuñda çeşmüm cûy-bâr itdüm

 Ayaguñ öpmege cismüm yoluñda hâk-sâr itdüm

 

2. Gedâ isem n'ola bir şâh-ı hûbânuñ kapusında

 Ben anuñ mülket-i ‘ışkına göñlüm tâc-dâr itdüm

 

3. Nesîm-âlûd olur sünbül saçuña irmege cânâ

 Bu sevdâlarla cismüm dâg-ı hasretle gubâr itdüm

 

4. Sunup el bezm-i ‘âlemde mey-i ‘ışkını nûş itdüm

 Başumdan sohbet-i yârân-ı ‘aklı târumâr itdüm

 

5. Firâkı âteşiyle yanmaga mu‘tâd olup Emrî

 Semender-veş mekânum vuslatı şevkıyla nâr itdüm

 

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427