Noktası Sır Fenn-i ‘Işkun Bir Kitâbı Var İmiş
27.02.2017
Noktası Sır Fenn-i ‘Işkun Bir Kitâbı Var İmiş
Noktası sır fenn-i ‘ışkun bir kitâbı var imiş
Surh-ı hûn-ı ‘âşık ile fasl u bâbı var imiş
Hîçe sayılur ser-i ‘uşşâk anda sıfr-veş
Defter-i ‘ışkun da başka bir hisâbı var imiş
Hâyil olmazmış fürûgına bu yetmiş bin hicâb
Âfitâb-ı ‘ışkun Allâh nice tâbı var imiş
Nûş iden ancak ecel câmıyle def’ eyler humâr
Bezm-i ‘ışkun bir ‘aceb kanlu şarâbı var imiş
Tavf-ı kûy-ı yârda ‘Âşık fedâ kıl cânunı
Hacda kurbân itmenün gâyet sevâbı var imiş
Her kişi bir intisâb ile şerefden dem urur
‘Âşıkun da ‘ışk-ı pâke intisâbı var imiş
0
0
Yorum Yapmak için Kayıt Olun veya Giriş Yapın