Nümâyiş-pîşe nev-devletde himmetden eser yokdur

68

 

 (Mefâîlün Mefâîlün Mefâîlün Mefâîlün)

 

 1 Nümâyiş-pîşe nev-devletde himmetden eser yokdur

 Nazar kıl nahl-ı sûra mîve-i şirîn-ter yokdur

 

 2 Komaz hûn-âbe çeşmimden hayâl-i gül-izârın kim

 Gül-i handânı zîb-i şîşe-i haccâm eder yokdur

 

 3 O rütbe dâg dâg-ı nîş-i ser-tiz-i cefâyım kim

 Fezâ-yı sîne-i sad-pârede bir sag yer yokdur

 

 4 Usandım âkılâne resm ü râh-ı vaslı icrâda

 Beni dîvâne eyler bir büt-i sîmîn-ber yokdur

 

 5 Şebi nev-rûz-ı şevk eylerdi zâtım neyleyim Haşmet

 Felekde meşrebimce bir meh-i hûrşîd-fer yokdur

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ