O ‘anber-bâr zülfe nâfe-i Tâtâr yol bulmış

 

mefâ’îlün mefâ’îlün mefâ’îlün mefâ’îlün

 

1 O ‘anber-bâr zülfe nâfe-i Tâtâr yol bulmış

 O gül-ruhdan tarâvet kesbine gülzâr yol bulmış

2 Siyeh-pûşân-ı zülfi hatt-ı nev-hîz itmesün târâc

 Meded bârûy- hüsne leşker-i küffâr yol bulmış

3 Alup cellâd çeşmi gamzeden fetvâ-yı hûn-rîzî

 Niçe sefk-i dimâé-i nâ-haka gaddâr yol bulmış

4 Degül vuslat-girîz ammâ ki fart-ı nâz u nahvetden

 Çıkar semt-i firâka gizli bir hemvâr yol bulmış

5 O serv-i ser-keşüñ Pertev dem-â-dem pây-bûsıyçün

 Akarsu gibi eşk-i dîde-i hûn-bâr yol bulmış

 

 

Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0