O düzd-i gamze tutdu işte sad çâk etdi dâmânım
Amân ey çeşm-i gîrâ bâri sen koyver girîbânım
2. Ne hâlet var o şûhun nahl-i kadd-i can-fezâsında
Ki reftârın görüp yoldan döner ömr-i şitâbânım
3. Hayâl etdikçe rûyun tâ seher ol dâmen-i zülfe
Sarıldı rîşe-i reyhan gibi hâb-ı perîşânım
4. Görüp ellerle mey nûş etdiğin lâyık mıdır zâlim
Ola sîh-i kebâb-ı laht-ı dil her nevk-i müjgânım
5. Nedîmâ şi‘rimi tertîb ederdim korkarım ammâ
Yaka nazmımdaki sûz u güdâz evrâk-ı dîvânım
MACİT, Muhsin, Nedîm Divanı, Akçağ Yayınları, Ankara 1997.
https://ekitap.kulturturizm.gov.tr/Eklenti/10635,nedim-divanipdf.pdf?0