O periyi edelim meclise davet gelsün
13.05.2018
GAZEL
O periyi edelim meclise davet gelsün
Gelmesi şevk ile meclise zinnet gelsün
Korkarım tevbeyi âbe düşürürsün zahid
Hele hengâm-i çemen mevsim-i işret gelsün
Asiyab-i kadehin kaide-i devri bulur
Sende sabreyle biraz tâ sana nevbet gelsün
Leb-i sak-î iledir lezzeti sahbanın da
Bade kim anda nemek olmaya la’net gelsün
Beddüa etmeğe kıyamam sana ey şuh ancak
Bağına sebze-i ter çeşmine sıhhat gelsün
Derler ağvarı mezemmet nemek-i meclisdir
Bizde gıybet edelim meclise lezzet gelsün
Payimal ol gam-i devrane demektir Nabî
Her kim eylerse dua kim sana devlet gelsün
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49
