O şeb ki vasl için ol şâha arz-ı hâl olunur

O  şeb ki vasl için ol şâha arz-ı hâl olunur

Yârın cevâbı çıkınca neler hayâl olunur

 

Nüviştedir bu ki mektûb-ı hatt-ıcânânda

 Nigâh hastasının  hâtırı  suâl olunur

 

Rakîbe lutf u kerem âşıka cefâ vü sitem

 Bu tavr-ı bî sebebe lâ-büd infiâl olunur

 

O sâf sîneyedir hayret-i nezârem kim

 Gubâr-ı dîde-i ümmîde iktihâl olunur

 

Miyân-ı nükte-şinâsân-ı fenn-i aşkında

Cevâz-ı vuslata hattından intikâl olunur

 

Sahîfe-i ruha tugrâ-yı pür-çemen çkmış

Misâl-i pâdişeh-i nâza imtisâl olunur

 

Heb-i firâkda yok gam-güsârımız Gâlib

 Sevâd-ı şi’r ile hâmeyle hasbihâl olunur

 

Varırsan arz-ı ubûdiyyetim sabâ söyle

 Harîm-i Hazret-i Monlâya rûymâl olunur

 

https://ekitap.kulturturizm.gov.tr/Eklenti/10654,metinpdf.pdf?0