O şûh-ı âyîneveş gayre rûz u şeb görinür

 

Mefâ‘ilün Fe‘ilâtün Mefâ‘ilün Fe‘ilün

 

 1 O şûh-ı âyîneveş gayre rûz u şeb görinür

 Bizüz ki nîm-nigâh eylesek ‘aceb görinür

 

 2 Riyâ diyârınun âyîni turfe âyîndür

 Ne denlü terk-i edeb itseler edeb görinür

 

 3 Kimi ki zâhir ile Bâyezîddur dirsen

 Bakılsa çeşm-i hakîkatle Bû Leheb görinür

 

 4 Ne mümkün itmeye ifşâ-yı râz sâde zamîr

 Derûn-ı âyînede her ne var hep görinür

 

 5 Felekde kevkeb-i hˇâhiş görünmedi Âgâh

 Hilâl-i ‘îde nigâh eylesem Receb görinür

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,