Fe‘ilâtün Fe‘ilâtün Fe‘ilâtün Fe‘ilün
 
1. Oda yanmış dilim ol lebleri gül-nâra fedâ
 Câna gelmiş tenim ol lehce-i güftâra fedâ
2. Çeşm-i sevdâ-zedem ol âhû-nigeh hayrânı
 ‘Akl-ı hayret-zedem ol nergis-i bîmâra fedâ
3. Kara bağrımda ‘azîz besledigim cân-ı şirîn
 Ârzû-yı dehenim la‘l-i şeker-bâra fedâ
4. Ne ki var variyetim turre-i tarrârlara
 Ne ki var mâ melekim dîde-i ‘ayyâra fedâ
5. Ferş-i râh eyledigim râh-ı güzer-gâhında
 Gözümün nûrı serâ-perde-i ruhsâra fedâ
6. Kim olur ben gibi şeydâ ki heves-nâk itdim
 Hâsıl-ı zühdimi bir kâse-i ser-şâra fedâ
7. Terk-i nâz eylegil ey nâz-fürûş u cilve-künân
 Bir görün Mîr Nigârî ola dîdâra fedâ
 
SEYYİD MÎR HAMZA NİGÂRÎ
Prof. Dr. Azmi Bilgin , Nigârî [ö. 1885], DÎVÂN, 2011, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, 3289 KÜLTÜR ESERLERİ 482