Mef‘ûlü Fâ‘ilâtü Mefâ‘îlü Fâ‘ilün
 
 1 Ol gül ki hüsn-i hâline agyârı söyledür
 Vassâfı ‘andelîbi komuş hârı söyledür
 
 2 Cân-bahş-ı la‘li şûh-ı tekellüm o denlü kim 2a
 Söz söyledince sûret-i dîvârı söyledür
 
3 Emrâz-ı ‘aşkı ‘illet-i sârî kıyâs ider
Yoksa tabîbimüz dil-i bîmârı söyledür
 
4 Minnet-keş-i şu‘ûr degül ‘aşk-ı sabr-sûz
Mansûrı penbe gibi atar dârı söyledür
 
5 Güftârı gûş-ı rahne-i dîvâre tîr olur
Ol şûh ise rakîn-i bed-etvârı söyledür
 
6 Âgâh gonçe gibi hezârı hamûş ider 6a
Gâhî ki kilk-i nâdire-güftârı söyledür
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,