Ol melek-tal’at ki zîbâlıkda yeğdir hûrdan
Sanki dest-i kudret anı yaradıpdır nûrdan

 

Şerbet-i la’l-i lebiyle câm-ı Cem’den fâriğim
Sunma sâkî mey ki mestim ol gözü mahmurdan

 

Tûtî-i râz-ı dili şevk ile gûya ettirir
Ol mücellâ sîne bir âyînedir billûrdan

 

Perteviyle ehl-i aşkı yandırır pervâne-veş
Görünen gerden değil bir şem’dir kâfûrdan

 

Çıktı cân tenden Bahâyî yâd-ı vasl-i yâr ile
Ah kim çıkmaz hayâli hâtır-ı mehcûrdan
 

 

 Şeyhülislâm Bahayi Mehmed Efendi Hayatı ve Edebi Yönü