Ol perî âh-ı sehergâh ile şâd olmadadır

 

NAZÎRE BERÂY-I NÜZHET-İ ŞÎRÎN-EDÂ

 

 (Feilâtün Feilâtün Feilâtün Feilün)

 

 1 Ol perî âh-ı sehergâh ile şâd olmadadır

 Bâg-ı âlemde gül üşküfte-i bâd olmadadır

 

 2 Görünür nîk ü bed enzâr-ı hakâyık-bîne

 Sırr-ı Hak cilve-ger-i hâl-i ibâd olmadadır

 

 3 Seng-i âteş-zenedir bâis-i işâl-i çerâg

 Pertev-i zât hele şule-nihâd olmadadır

 

 4 Bâde-nûş olmasa dil arz-ı hüner müşkildir

 Hâme terkîme mey-âşâm-ı midâd olmadadır

 

 5 Bir iki bûse içün zülfüne bâglandı dilim

 Düzd-i şeb-gerd gibi reh-rev-i zâd olmadadır

 

 6 Hânedân-ı niam ol bast-ı simât et Haşmet

 Bâb-ı tevfîk-i Hudâ sana güşâd olmadadır

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ