Mefâ`îlün Mefâ`îlün Mefâ`îlün Mefâ`îlün
 
1 Olurdı zehr-i gam erbâb-ı bezme sâkiyâ sahbâ
Leb-i la`lüñle hem-reng olmasaydı dâyimâ sahbâ
2 Düşer feryâd ile geh şîşeye geh câma bülbül-veş
 Gül-i ruhsâruñuñ şûrîdesidür gâlibâ sahbâ
3 `Acebdür mest-i mâder-zâd-ı bezm-i nâz iken gamzeñ
 Yine hükmin virür olsa lebüñle âşinâ sahbâ
4 Nigâh-ı çeşm-i mestüñden alur te`sîr-i keyfiyyet
 N`ola olsa hemîşe zevk-bahş u gam-zidâ sahbâ
5 Gehî zîr-i lübüñde kendüyi pinhân ider bir dem
 Gehî mir`ât-ı ruhsâruñdan olur rû-nümâ sahbâ
6 Virür rûyına revnak tâze tâze şâhid-i hüsnüñ
İder sihr olmada meşşâta-i zînet-fezâ sahbâ
7 Dil-i Nâmî gibi yâd-ı lebüñsüz sâgara bakmam
Safâ-yı neşvede Kevser de olursa baña sahbâ
Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ