Pek egri bakdı âh o kaşı kemân baña

Gazel

[11]

 [mef’ûlü / fâ’ilâtü / mefâ’îlü / fâ’ilün]

 1 Pek egri bakdı âh o kaşı kemân baña

 Tîr-i nigâhı vermedi hergiz emân baña

 2 Kıldı rakîbi maksim-i hüsnüñde hissemend

 Sehm-i cefâ mıdır düşen ancak hemân baña

 3 Şimdi niçün mu’âmele bîgâne tarzdır

 Çok âşinâlık eyler idiñ bir zamân baña

  4 Üftâdeyim belî kad-i mevzûn-ı dilbere

 Şâ’ir isem de bunda düşer mi yalan baña

 5 Vehbî ‘aceb mi eyler isem tâze ihtiyâr

 Pîr oldum işte şimdi gerekdir civân baña

Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012

 Sünbülzade Vehbi Hayatı