Mefâ`ilün fe`ilâtün mefâ`ilün fe`ilün
 
 1 Penâh olursa nola mihr ü mâha sâye-i `aşk
 Bülend mertebedür mihrün ile pâye-i `aşk
 2 Hezâr şîri bu deştün zebûn-ı pençesidür
 Ne şîr virdi `aceb tıfl-ı câna dâye-i `aşk
 3 Revâc komadı bâzâr-ı germ-i hurşîde
 Derûn-ı dilde ki kondı hamîr-i mâye-i `aşk
 4 Egerçi mihrün ile toldı zerre zerre vücûd
 Henüz alınmadı ey şâh-ı hüsn vâye-i `aşk
 5 Hemân o şâhdan eksükligün dile Yahyâ
 Tamâm ider seni de derd-i bî-nihâye-i `aşk
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147